All About Pakistan

6/recent/ticker-posts

پاکستان دہشتگردی کا شکار دنیا کا تیسرا بڑا ملک قرار....


دنیا بھر میں ہونے والی دہشتگردی کے حوالے سے شائع ہونے والی عالمی رپورٹ میں انکشاف کیا گیا ہے کہ 2013 کے دوران پاکستان دنیا میں دہشتگردی کا تیسرا سب سے بڑا شکار ملک رہا۔
گلوبل ٹیرارزم انڈیکس (جی ٹی آئی) 2014 کے مطابق 2013 میں دنیا بھر کے 162 ملکوں میں 10 ہزار شدت پسند حملے ہوئے جبکہ 60 ممالک میں دہشت گردی کی وجہ سے انسانی جانوں کا ضیاع ہوا۔ 2012 کے مقابلے میں 2013 کے دوران دہشتگردی کے واقعات میں 44 فیصد جبکہ ہلاکتوں میں 61 فیصد اضافہ ہوا۔ اس کے علاوہ دہشت گردی کی شدت میں ناصرف اضافہ ہو رہا ہے بلکہ اس کے علاقے میں بھی توسیع ہو رہی ہے۔ انڈیکس میں مختلف نسلی، مذہبی اور لسانی گروپ کے درمیان خونی چپکلش اور حکومتوں کی جانب سے انسانی حقوق کی پامالی کو دہشتگردی میں اضافے کی وجہ قرار دیا گیا ہے۔
جی ٹی آئی کے مطابق 2013 کے دوران دنیا بھر میں کم و بیش 18 ہزار افراد ہلاک ہوئے ہیں جن میں سے 80 فیصد ہلاکتیں عراق، شام، افغانستان، پاکستان، اور نائیجریا میں ہوئیں جن میں مجموعی تعداد 14 ہزار 722 افراد ہلاک ہوئے ہیں۔ ان حملوں میں سے 66 فیصد واقعات میں طالبان، دولتِ اسلامیہ، بوکو حرام اور القاعدہ ملوث تھیں۔ 2013 میں شدت پسندی کے سب سے زیادہ واقعات عراق میں ہوئے جہاں شدت پسندوں کے ہاتھوں 6 ہزار 362 افراد مارے گئے، دوسرے نمبر پر افغانستان رہا جبکہ پاکستان تیسرے نمبر پر ہے جہاں 2013 کے دوران ایک ہزار 933 پرتشدد واقعات ہوئے جن میں 2 ہزار 345 افراد ہلاک جبکہ 5ہزار 35 افراد زخمی ہوئے۔

Terrorism in Pakistan

Post a Comment

0 Comments