All About Pakistan

6/recent/ticker-posts

زندگی کو بہتر اور خوشگوار بنائیں.....


زندگی کو بہتر بنانے کی خواہش کس فرد کو نہیں ہوتی تاہم اکثر یہ ایسا خواب ثابت ہوتی ہے جس کی تعبیر انہیں اپنے بس سے بات لگتی ہے تاہم ایسی کئی چیزیں ہیں جن کو اپنے روزمرہ کا حصہ بناکر ہم زیادہ خوش باش اور اچھی زندگی گزار سکتے ہیں اور سائنس بھی ان کی حمایت کرتی ہے۔

قدرتی مناظر میں نکلنا

ہوسکتا ہے کہ آپ اس کی اہمیت سمجھ نہ سکے مگر ایک تحقیق کے مطابق فطرت کے مناظر ہمارے اندر موجود تناﺅ کو کم کرکے ہمیں زیادہ تخلیقی سوچ کا حامل فرد بنادیتے ہیں، ان کو دیکھ کر ہماری یاداشت بہتر ہوتی ہے بلکہ وہ ہمیں ایک بہتر فرد بننے میں بھی مدد دیتے ہیں۔

ورزش

ہم سب اس کی اہمیت سے واقف ہیں مگر بہت کم افراد ہی اس کو اپنی زندگی کا حصہ بناتے ہیں، طبی فوائد سے ہٹ کر بھی یہ ہماری زندگیوں کے لیے بہت فائدہ مند سرگرمی ہے، مثال کے طور پر ورزش ہمیں اسمارٹ، خوش باش بنانے کے ساتھ نیند کو بہتر کرتے ہے اور ہاورڈ یونیورسٹی کی ایک تحقیق کے مطابق ورزش کے عادی افراد اپنے جسموں سے بہتر آگاہی رکھنے کے باعث اچھی زندگی گزارنے کے قابل ہوجاتے ہیں۔

دوستوں اور رشتے داروں کے ساتھ وقت گزارنا

ہاورڈ یونیورسٹی کی ایک تحقیق کے مطابق دوستوں اور خاندان کے ساتھ وقت گزارنا زندگی میں خوشی کے سب سے بڑے ذرائع میں سے ایک ہے، رشتوں کی اہمیت ہمارے تصور سے بھی زیادہ ہوتی ہے سماج سے کٹا ہونے کا احساس آپ کو احمق بنانے کے ساتھ ہلاک بھی کرسکتا ہے، کیونکہ تہنائی امراض قلب، فالج اور ذیابیطس جیسے جان لیوا امراض کا سبب بن سکتی ہے، دوست ہماری زندگی کو بہتر بنانے کی کنجی ہوتے ہیں، ان کے ساتھ اچھی خبروں کا تبادلہ اور جوش تعلقات کو بہتر بناتا ہے۔

شکرگزاری کا احساس

شکرگزاری ایسی عادت ہے جو آپ کو خوش باش تو بناتی ہی ہے پیاروں کے ساتھ تعلقات بہتر بناتی ہے، آپ کی شخصیت کو بہتر کرتی ہے اور آپ کے ارگرد ہر شخص کی زندگی میں بہتری لاتی ہے۔

مراقبہ

مراقبہ زندگی میں خوشی، مقصد، سماجی معاونت اور توجہ کی صلاحیت کو بڑھا دیتی ہے، جبکہ اس سے ہمارے اندر سے غصہ، خوف، مایوسی اور ایسے ہی ذہنی مسائل کم ہوتے ہیں۔

مناسب نیند

آپ نیند کے معاملے پر اپنے ساتھ دھوکا نہیں کرسکتے کیونکہ تھکاوٹ کا احساس خوش رہنے کو مشکل بنادیتا ہے، آسان الفاظ میں نیند کی کمی کا نتیجہ چڑچڑے پن اور زندگی میں مشکلات کی شکل میں نکلے گا، بہتر نیند سے فیصلہ سازی کی صلاحیت بہتر ہوتی ہے جبکہ اس کی کمی آپ کو غیراخلاقی رویے اپنانے پر مجبرو کرسکتی ہے۔

خود کو چیلنج کرنا

کسی دوسری زبان کو سیکھنا آپ کے ذہن کو تیز رکھتا ہے، موسیقی کے اسباق ذہانت بڑھاتے ہیں، اپنے عقائد کے بارے میں چھان بین ذہن کو مضبوط کرتی ہے، غرض خود کو کسی مشکل میں ڈالنے سے آپ کی قوت ارادی میں اضافہ ہوتا ہے اور یہ عادت ذہانت کے مقابلے میں آپ کی کامیابی میں اہم کردار ادا کرتی ہے۔

ہنسنا

جو لوگ مزاح استعمال کرتے ہیں ان کے اندر بیماروں کے خلاف قوت مدافعت بھی مضبوط ہوتی ہے جس سے ان میں دل کے دورے اور فالج کا خطرہ کم ہوجاتا ہے، ہنسی ایک وٹامن کی طرح ہے جو آپ کے رشتوں کو بھی مضبوط بناتی ہے۔

پرامید رہنا

امید آپ کو صحت، خوشی اور زندگی کی مدت جیسی نعمتیں عطا کرسکتی ہے، مشکلات کے دور میں مثبت سوچ کو اپنائے رکھنا کامیابی کا باعث بنتا ہے حد تو یہ کہ یہ عادت حد سے خوداعتماد افراد کی کارکردگی کو بھی بڑھا دیتی ہے۔

Post a Comment

0 Comments